Kylian Mbappe është shprehur se sulmuesi i Atletico Madridit, Antoine Griezmann është lideri i ekipit kombëtar francez. Sulmuesi i Atletico Madridit do të jetë shumë i rëndësishëm për shanset e “Gjelave” në Rusi.
Talenti i Paris Saint-Germain nuk ka hezituar ta cilësoj Griezmannin edhe si shef të ekipit kombëtar. “Unë mendoj se ai është shefi i ekipit kombëtar që nga Euro 2016”, ka thënë fillimisht Mbappe.
“Ai do të jetë i rëndësishëm për ne nëse duam të arrijmë rezultate në Rusi”, përfundoi talenti francez. Franca gjendet në Grupin C së bashku me Australinë, Perunë dhe Danimarkën. Ndeshja e parë për “gjelat” zhvillohet të shtunën ndaj Australisë në orën 13:00.
