Filipe Melo, ish-futbollist i Interit dhe Juventusit, nuk heq dorë nga ndërhyrjet brutale.
Së fundmi mesfushori i cili aktivizohet me Palmeriasin në Brazil nuk është kursyer ndaj Vinicius Junior, 17-vjeçarit që në korrik do t’i bashkohet Real Madrid.
Në një moment gjatë lojës kur sfida po luhej në mesin e fushës, Melo është shfaqur në versionin e ‘kasapit’, duke shtrirë në tokë futbollistin i cili cilësohet si ‘Neymari i ardhshëm’. Kanë reaguar ashpër te Flamengo por futbollisti ia ka hedhur vetëm me një karton të verdhë.
Kujtojmë që Vinicius Junior është blerë nga Real Madrid në 2017 për shifrën e 45 mln eurove.
