Pas fitores në Mugello, Jorge Lorenzo konfirmohet edhe në Montmelo si piloti favorit për të triumfuar në Çmimin e Madh të Katalunjës. Spanjolli i Ducatit dominoi sesionin e dytë të provave të lira në pistën Montmelo duke regjistruar kohën më të shpejtë të kësaj të premteje.
Menjëherë pas tij Suzuki i Iannones dhe Yamaha e Maverick Vinales. Më i ngaldatë me më shumë se gjysmë sekondi shoku i skuadrës së Lorenzos, italiani Andrea Dovizioso regjistroi kohën e 4-t më të mirë. E mbylli në vendin e 5-të Valentino Rossi ndërsa kampioni në fuqi i botës, Marc Marquez mbeti jashtë 10-shes së parë pasi u rrëzua në momentet e fundit të provave.
