Ndërkohë, trajneri i i Portugalisë, Fernando Santos, kishte vetëm superlativa për yllin e tij, duke e deklaruar atë më të mirin në botë. Tripleta e së premtes nga këmbët e Ronaldos e bënë atë lojtarin e katërt, që shënon në katër Kupa Bote. Trajneri Santos foli për shpresën e tij, se CR7 mund ta çojë në pesë numrin e Botërorëve, ku ai të luajë, duke llogaritur vitin 2022:
“Unë vazhdoj të flas për Cristianon, por çfarë mund të them më shumë. Ai është më i miri në botë. Shpresoj që të shënojë gola të tjerë në këtë Botëror. Po ashtu, nëse do të luajë edhe në Katar, shpresoj të shënojë sërish. Rekordet janë vetëm për të”.
