Brazili nuk ka arritur ta fitojë ndeshjen e parë të grupit ndaj Zvicrës teksa skuadra e Tite-s nuk ka shkuar më shumë se një barazim 1-1. Nuk ishte një ndeshje e mirë për pretendentët kryesorë të turneut të cilët pas golit të shënuar nuk kanë arritur të dalin në lojën e tyre.
Brazili e nisi lojën me një ritëm shumë të lartë duke mbytur Zvicrën në gjysmëfushën e saj. Edhe rastet nuk munguan me Paulinho-n. Dukej që nga momenti në moment do të vinte goli i avantazhit dhe ai erdhi në mënyrë spektakolare. Coutinho lëshon një predhë nga 25 metra duke mposhtur portierin Sommer.
