Zvicra doli me një pikë të çmuar ga ndeshja e parë e këtij Botërori, ndaj Brazilit të fortë, që konsiderohet favorit kryesor për titullin. Pas duelit pati mjaft polemika mbi golin e shënuar nga helvetët, teksa brazilianët pretendojnë për faull ndaj Mirandës. Por, trajneri Vladimir Petkovic mendon ndryshe.
Ai tha: “Ishte një gol i rregullt, një duel i rregullt. Ju shikoni për të krijuar hapësirë, për të pasur mundësi. Mbrojtësi nuk ishte i pozicionuar mirë. Gjyqtarët e VAR-it, gjithashtu, mbajnë një sy te procedurat”.
Nga ana e tij, Xherdan Shaqiri shtoi: “Është shumë për të thënë se ishte faull Në çdo lojë ka të tilla prekje të vogla. Ky është futboll. Ju nuk mund të qëndroni pa e prekur pak kundërshtarin”.
