Jose Mourinho është i fiksuar pas Willian dhe kërkon të ribashkohet me brazilianin te Manchester United. Shtypi britanik insiston se ka negociata mes palëve dhe së fundmi oferta e “Djajve të Kuq” për brazilianin është rreth 80 milionë euro, çka po tundon drejtuesit e Chelsea-t.
29-vjeçari ka kontratë deri në vitin 2020 me “blutë” e Londrës dhe sezoni që u mbyll nuk ishte aspak pozitiv për të, sidomos në raportet me Conten. Vetëm 20 ndeshje luajti si titullar Willian te Chelsea këtë vit dhe që në janar Mourinho tentoi ta afronte, por oferta e tij u refuzua.
Tashmë me 80 milionë euro në tryezë dhe me dëshirën e lojtarit për t’u larguar operacioni duket më i lehtë për t’u konkretizuar.