Skuadra e Kukësit ka mësuar kundërshtarin në fazën e parë eliminatore të Champions League. Verilindorët do të përballen me ekipin e Valletas, kampionë të Maltës. Një kundërshtar relativisht i lehtë ky edhe në letër, gjë e cila konfirmohet edhe nga presidenti Safet Gjici.
Stafi drejtues i verilindorëve ishte duke e ndjekur shortin direkt teksa ndodhen në Slloveni. Menjëherë me të mësuar rivalin, reagon presidenti Gjici i cili thotë: “E kalojmë atë. E vështirë s’është, por duhet të përgatitemi”, kanë qenë fjalë e kreut të verilindorëve pasi ka mësuar kundërshtarin.
