Juventusi më në fund ka arritur akordin me Ajaksin për kartonin e Matijs De Ligt dhe kështu holandezi do të jetë blerja e madhe e bardhezinjve në këtë merkato.
Konfirmimi nuk vjen nga Italia, por nga Holanda dhe “De Telegraaf”, e cila zbulon se akordi është mbyllur për 67 milionë euro, plus bonuset.
Përsa i përket akordit me lojtarin, marrëveshja është mbyllur me kohë, për një kontratë 5 vjeçare me 12 milionë euro rrogë në sezon.
Tashmë mbetet vetëm zyrtarizimi dhe prezantimi, që siç raportohet do të bëhet ditën e shtunë.
