Raportet në Angli sugjerojnë se Maurizio Sarri kërkon të marrë te Chelsea Matias Vecino dhe Jose Callejon.
Ish-trajneri i Napolit nuk është konfirmuar zyrtarisht si trajneri i ri i Bluve, por mesa duket është thjesht çështje ditësh derisa ai të zëvendësojë Antonio Conte-n.
Daily Mail raporton se ai kërkon të marrë me vete asistentin që ka pasur tek Empoli, i cili aktualisht është pjesë e stafit teknik të Inter.
Nga Inter, Sarri do të kishte dëshirë të merrte edhe një tjetër ish-lojtar të Empoli-t, Matias Vecino në Stamford Bridge.
Sarri gjithashtu kërkon të transferojë Jose Callejon, i cili ka një klauzolë 20 mln euro në kontratën e tij.
