Festa e Granit Xhakës dhe Xherdan Shaqirit me shqiponjën dykrenare bëri bujë në të gjithë mediat botërore. Të shumta ishin komentet për festën e futbollistëve shqiptarë, të cilët përmbysën avantazhin e Serbisë.
Në një artikull të kushtuar sfidës së djeshme, “Gazzeta Dello Sport” shkruan se futbollistët shqiptarë rrezikojnë penalizmin nga FIFA, pasi gjesti i tyre mund të konsiderohet si provokim ndaj serbëve.
Gjithsesi e gjitha është në dorën e FIFA-s dhe do të jetë qeveria e futbollit që do të marrë vendimin në lidhje me këtë çështje.
