Humbja e Argjentinës me Kroacinë mbrëmjen e së enjtes në kuadër të fazës në grupe për Botërorin 2018 i ka dhembur shumë tifozëve anë e mbanë botës.
Argjentina e Lionnel Messit rrezikon të mos e kalojë grupin. Ata që po e vuajnë më shumë dhe janë në shënjestër të zemërimit janë trajneri Sampaolo dhe kapiteni Messi, një nga futbollistët më të mirë të të gjitha kohërave por që solli shumë zhgënjim.
Por sot ylli argjentinas feston ditëlindjen, ai mbush 31 vjeç dhe kjo sot duhet të jetë një ditë e lumutur për të. Ajo që ka menduar t’ia zbukurojë këtë ditë dhe për t’i larguer mendjen nga botërori është bashkëshortja e tij, Antonella.
Me një urim të ndjerë në Instragram ajo ka shpehur gjithë dashurinë dhe mirënjohjen qe ka për yllin argjentinas.
“Gëzuar ditëlindjen dashuri. Të duam shumë. Faleminderit që më ke bërë femrën më të lumtur në botë dhe për familjen tonë, që është pasuria më e madhe.Dua të jesh i lumtur sot e përgjithmonë zemër”- shkruan Antonella në Instagram.
Messi dhe bashkëshortja e tij kanë tre djem, ku më i vogli është vetëm 3 muajsh.
