Një lajm i bujshëm është duke qarkulluar në media. Bëhet fjalë për mesfushorin me origjinë shqiptare, Enis Bardhi, i cili është pjesë e skuadrës së Levantes në Spanjë.
22-vjeçari i cili realizoi një sezon fantastik duke shënuar gola spektakolarë kërkohet nga skuadra turke e Beshiktashit. Pengesa e vetme është kërkesa e klubit spanjoll, i cili e vlerëson Bardhin plot 25 milionë euro.
Mesfushori shqiptar, i cili përfaqëson kombëtaren e Maqedonisë, u ble nga skuadra e Ujpestit për 1.5 milionë euro, ndërsa vlera e tij ka shkuar në 25 milionë. Përveç Bardhit, Bershiktashi ka shprehur interes edhe për fantazistin kroat Alen Haliloviç.
