Portugalia ka barazuar 1-1 ndaj Iranit duke humbur kështu vendin e parë në minutat shtesë të ndeshjes. Teksa të gjithë po mendonin se Portugalia do të fitonte duelin në distancë me Spanjën, një gol i iranianëve nga pika e bardhë e penalltisë, dhe goli i Iago Aspas ndaj Marokut ka kthyer gjithçka brenda dy minutave.
Një rezultat zhgënjyes për Ronaldo me shokë, sidomos për yllin e Real Madrid, i cili kishte gjithçka në dorë por shpërdoroi një penallti në pjesën e dytë. Iranianët nuk u dorëzuan për asnjë moment dhe patën një rast të artë për të lënë eliminuar portugezët nga turneu. Portugali do të luajë ndaj Uruguait në 1/8-at.
https://www.youtube.com/watch?v=gTWbtfn0fro