Situata e Tiemue Bakajoko vazhdon të mbetet stacionare. Lojtari ka dhënë miratimin e tij për transferimin, ndërsa Çelsi dhe Milani kanë rënë dakord për huazimin me të drejtë blerjeje për kuqezinjtë. “Kleçka” që pengon zyrtarizmin e akordit ka të bëjë me rrogën e francezit.
Te “Blutë” ai përfiton 6.5 milionë euro, shumë kjo që me shumë gjasa do të ndahet mes dy klubeve, duke qenë se për arkat kuqezi rezulton e tepërt. Përqindja duhet të vendoset mes palëve, pasi lojtari nuk pranon asnjë marrëveshje që cenon arkëtimet e tij sezonale. Për Gatuzon do të ishte alterego ideale e Frenk Kesit, teksa përvoja e tij mund t’i shërbejë shumë skuadrës.