Philippe Coutinho ka mbërritur në Barcelonë, pas arritjes së marrëveshjes mes Barçës dhe Liverpoolit për transferimin e tij në “Camp Nou”.
Coutinho bashkë me bashkëshorten dhe bijën e vet tashmë gjenden në Barcelonë përmes një fluturimi privat, shkruan Mundo Deportivo.
Gjiganti spanjoll ka konfirmuar se Coutinho ka nënshkruar kontratë për pjesën e mbetur të këtij sezoni dhe për pesë sezone tjera, si dhe do të ketë një klauzolë lirimi në vlerë 400 milionë euro.
E përditshmja spanjolle raporton se Coutinho u prit nga një furgon i klubit në aeroport dhe u nxor nga aty fshehurazi në mënyrë që shtypi të mos e fotografonte apo xhironte lojtarin.
Barcelona dhe Liverpooli kanë rënë në ujdi për transferimin e brazilianit në Spanjë për një shumë prej 120 milionë euro bazë plus 40 milionë bonuse.
Ndërkohë, edhe agjenti i Cou, Giuliano Bertolucci, ka mbërritur në Barcelonë. Qëllimi i Coutinhos ka qenë që të jetë në Barcelonë kur të konfirmohet shitja e tij, si dhe të jetë pranë bashkëlojtarëve të rinj as më shpejt që të jetë e mundur.
