Stuttgart rrit ambiciet e saj për sezonin e ri në Bundesligë duke zyrtarizuar dy goditje të rëndësishme në merkato. Bëhet fjalë për mesfushorët Gonzalo Castro dhe Daniel Didavi, i pari u ble nga Borussia Dortmund për 5 milionë euro ndërsa i dyti erdhi me parametër zero nga Wolfsburg.
Të dy lojtarët kanë eksperiencë të madhe në kampionatin gjerman dhe gjatë prezantimit drejtori sportiv, Michael Reschke nuk e fshehu gëzimin për dy goditje të tilla. Ai theksoi se skuadra rrit në mënyrë të konsiderueshme nivelin për të luftuar për një vend në kupat e Europës këtë sezon.