Nëse Subasic nuk do të ishte treguar gati perfekt te lotaria e penalltive, Luka Modric ndoshta mund të ishte kthyer në atdhe me barrën e liderit, që dështoi për të tërhequr përpara Kroacinë, e cila ishte treguar përrallore në fazën e grupeve.
11-metërshi i gabuar në minutën e 114-të mund të kishte ndikuar psikologjikisht tek e gjithë skuadra, por në fund, ballkanasit dalin fitimtarë, ndonëse fantazisti i Realit të Madridit pranon humbjen e sfidës në distancë me portierin danez, Kasper Schmeichel.
Ishte mënyra më e rrezikshme dhe më e vështirë për të kaluar në çerekfinalet e turneut dhe jam ende shumë i nervozuar për atë gabim nga pika e penalltisë, në kohën shtesë. Kur mendoj që kam qëndruar gjithë mëngjesin përpara ndeshjes duke studiuar se si mund t’i shënoj Schmeichelit dhe pashë që sërish më mposhti, më nervozon. Gjithsesi, e rëndësishme është që në fund arritëm objektivin”, deklaroi kapiteni i Kroacisë.
