Miralem Pjanic nuk do të transferohet te Barcelona edhe pse pak ditë më parë u përfol se skuadra “blaugrana” ishte e interesuar për mesfushorin e Juventusit. Sipas mediave spanjolle, drejtuesit e Barcelonës janë tërhequr nga ideja për të sjellë 28-vjeçarin boshnjak në “Kamp Nou”, pasi nuk është në lartësinë e duhur për të veshur fanellën e këtij ekipi. “Është i papërshtatshëm për skuadrën tonë”, kanë thënë drejtuesit e Barcelonës.
Barcelona duket se është drejtuar tek objektiva të tjerë, si Clement lenglet dhe Arthur Melo, që do të jenë edhe dy blerjet e para. Klubi “blaugrana” synon që paratë që ka në dispozicion t’i shpenzojë për lojtarë të rinj dhe që janë më të vlefshëm për qëllimet e klubit se sa t’i harxhojë për Pjanic. Kjo është një goditje e rëndë edhe për Juventusin, që synonte të largonte boshnjakun dhe me paratë që do të merrte do të afronte të tjerë lojtarë.