Federata Daneze e Futbollit ka dalë në mbrojtje të sulmuesit të kombëtares Nicolai Jorgensen, duke dënuar publikisht kërcënimet me jetë që ka marrë lojtari në rrjetet sociale, pas humbjes kundër Kroacisë në 1/8-t e finaleve të Botërorit.
“Mjaft! – lexohej në menaxherin e drejtuesve të futbollit danez në “Twitter”. – Komuniteti ynë i futbollit nuk pranon kërcënime me vdekje ndaj futbollistëve. Njerëzit e Danimarkës nuk sillen kurrë në mënyrë të tillë ndaj shtetasve të vet. Eshtë situatë e papranueshme dhe do t’i kërkojmë ndihmë policisë që të mbyllim këtë marrëzi.”
Gjithçka nisi në ndeshjen kundër Kroacisë, kur Jorgensen humbi penalltinë vendimtare në “ruletën ruse”, çka bëri të ndaj tij të vërshojnë kërcënime të ashpra, shumë të rralla për vendin nordik.
