Japonia laroghet me kokën lart nga ky kampionat botëror pasi nuk i rezistuan dot revanshit të “Djajve të Kuq” në 20 minutat e fundit të lojës. Edhe pse nuk është e lehtë të harrosh atë skualifikim Federata Japoneze e Futbollit ka nisur diskutimet për të gjetur trajnerin që do të pasojë Akira Nishinon, të cili i përfundon kontrata menjëherë pas daljes nga Kupa e Botës.
Në vendin e parë është ish-tekniku i njohur i Gjermanisë dhe SHBA-së Jurgen Klinsmann. Ish-kampioni i botës në 1990 me “panzerat” preferohet nga drejtuesit e “samurajëve”, të cilët janë gati t’i ofrojnë 2 milion € në vit.
Por japonezët nguten për shkak se në 7 shtator do të kenë ndeshjen e parë miqësore post-Botëror dhe zgjedhja e trajnerit duhet të jetë e shpejtë. “Nuk është një vendim i thjeshtë, por nuk mund të marrim më shumë kohë. Shpresojmë të vendosim në korrik”, deklaron presidenti i FJF Kozo Tashima.
Ndërkoh që Klinsmann vlerësoi me zemërgjerësi perfomancën e Japonisë në ndeshjen e fundit.