Pas falimentimit të skuadrës së Modenas e cila për shkak të problemeve financiare u tërhoq nga Lega Pro ka ardhur momenti që edhe futbollistët e kësaj skuadre të gjejnë destinacione të reja për të vazhduar karrierën. Pjesë e Modenas në këtë sezon ka qenë edhe talenti shqiptar Fabio Sakaj.
Mesfushori 19-vjeçar i cili është grumbulluar edhe në kombëtare U-19 dhe U-21 të Shqipërisë i mbetur pa skuadër, ka firmosur zyrtarisht me Racing Fondin, klub që gjithashtu militon në Serinë C, kategorinë e tretë italiane. Lajmi u bë ditur nga vetë skuadra e Fondit në faqen zyrtare, ekip që për momentin pozicionohet në vendin e 14-të të grupit C me 18 pikë të grumbulluara në 17 javë.
