Barcelona e ka mposhtur 4:0 Deportivon, për të shkuar në 11 pikë diferencë me Real Madridin.
Luis Suarez dhe Paulinho e kanë ndihmuar Barcelonën të shkatërrojë Deportivon në “Camp Nou”, duke shënuar nga dy gola, ku katalunasit fituan 4:0.
Në këtë ndeshje bëri paraqitje të mrekullueshme edhe Lionel Messi, duke goditur tri herë shtyllën, teksa kishte mundësinë të shkruante emrin në listën e golashënuesve, por goditjen nga pika e bardhë ia ndali portieri mysafirë, Ruben Martinez, në minutën e 70’të.
Pas kësaj fitore, Barcelona ka grumbulluar 42 pikë, 11 më shumë se Real Madridi.
Por, ekipi i Zinedine Zidane ka një ndeshje më pak të zhvilluar për shkak të Kupës së Botës për Klube, trofe që e solli në Madrid, pasi triumfoi në finale 1:0 ndaj Gremios me golin e Cristiano Ronaldos.