Dyshes së Bayern Munchen, Arjen Robben dhe Franck Ribery, u skadojnë kontratat në “Allianz Arena” në fund të këtij sezoni.
Shefi i klubit bavarez, Karl-Heinz Rummenigge, ka konfirmuar se gjiganti gjerman do të zhvillojë bisedime serioze me dyshen me përvojë.
Robben, i cili mbush 34 vjeç në janar, ka thënë muajin e kaluar se largimi nga futbolli është një opsion për të.
Ndërkohë, Ribery e ka shprehur dëshirën për të vazhduar të luajë për edhe tri vite tjera dhe më pas të tërhiqet.
Franck dhe Arjen kanë histori të madhe këtu dhe e dimë çka kemi me ta. Të dy janë shumë të rëndësishëm për ne. Është më rëndësi se si vazhdojnë ata. Por, nuk do të vendosemi në të ardhmen e afërt për këtë, edhe pse do të ketë bisedime serioze. Të themi në fillim të pranverës”, ka thënë Rummenigge.
