Sulmuesi i Manchester City-t Gabriel Jesus ka paralajmëruar skuadrën e tij teksa vazhdon ecurinë fantastike drejt titullit kampion të Premier League.
Skuadra e Pep Guardiola-s ka regjistruar 16 fitore radhazi në kampionat teksa kanë mposhtur 4-1 Tottenham.
Jesus, i cili humbi një penallti gjatë fitores ndaj Tottenham, ka paralajmëruar shokët e tij të skuadrës të mos e quajnë të fituar titullin.“Skuadra po paraqitjet në mënyrë fantastike por ka klube të tjera që po bëjnë të njëjtën gjë,” shprehet ai.
“Nuk mund të mendojmë se jemi të pamposhtur dhe duhet të ruajmë fokusin ndeshje pas ndeshjeje.
“Kjo ishte një nga paraqitjet më të mira të sezonit tonë, ndaj një kundërshtari të fortë që ka lojtarë të mëdhenj.
“Kemi bërë shumë mirë, jo vetëm për rezultatin, por edhe për mënyrën se si mundëm Tottenham. Rezultati mund të kishte qenë më i thellë.”
