Manchester City është tallur me mesfushorin e Manchester Unitedit, Marouane Fellaini, në llogarinë zyrtare të klubit në rrjetin social Twitter.
City e postoi një fotografi të Leroy Sane në llogarinë zyrtare të klubit në gjuhën frënge.
Fotoja ishte turbulluar nga mjegulla dhe shoqërohej me titullin: “Nëse e gjeni kush fshihet në mjegull, jeni të pamposhtur…”
Stili i flokëve i gjermanit i nxiti përdoruesit e Twitterit të përgjigjen me shaka “Fellaini”, ndërsa City nuk rezistoi dhe u tall me lojtarin e “Djajve të kuq”.
“Jo, është futbollist [ai në foto]”, shkroi City, në një postim të shpërndarë dhe pëlqyer nga mijëra përdorues.
