Besart Berisha vazhdon të shënojë pa pushim me skuadrën e Uestern Junajtid në Australi, teksa ka gjetur rrugën e rrjetës edhe ditën e sotme.
Skuadra e ish-sulmuesit te Kombëtares, po barazon 1-1 ndaj Uelington Foniks, teksa golin e parë të ndeshjes e ka shënuar pikërisht Berisha. Në minutën e 32’, sulmuesi 35-vjeçari ia doli të shndërrojë në gol një penallti të fituar nga shokët e skuadrës.
Ky është goli i shtatë sezonal për Berishën, i cili është kthyer në një “makineri” golash dhe nuk di të ndalet, teksa vazhdon të ketë dëshirën e madhe për të shënuar sa më shumë gola, sikur të ishte në fillimet e karrierës së tij.