Pep Guardiola është duke menduar të blejë lojtarë të rinj në afatin kalimtar të janarit për ta përforcuar edhe më shumë skuadrën e Manchester Cityt.
Manchester City i ka fituar 14 ndeshjet e fundit në Premier Ligë, duke vënë rekord të ri për më së shumti fitore radhazi brenda një sezoni, dhe tani ka 11 pikë më shumë se ndjekësi i parë, Manchester United.
Por, mbrojtja e Cityt ka vuajtur nga dëmtimet, me Benjamin Mendy, John Stones dhe Vincent Kompany të lënduar gjatë kësaj periudhe.
“Jemi duke menduar për këtë”, ka thënë Guardiola i pyetur rreth transferimeve të mundshme.
“Në mbrojtje kemi shumë, shumë, shumë, shumë pak lojtarë dhe jemi në telashe për t’u përballur me konkurrencën në të gjitha garat”, ka shtuar ai.
