Valencia është e çmendur pas Simone Zaza-s. Sulmuesi italian ka patur një ndikim të madh te klubi spanjoll. Ai është blerë verën e kaluar për 18 milionë euro nga “Los Che” dhe tani është kthyer në idhullin e tifozëve.
Ai ka shënuar dhjetë gola deri tani në kampionatin spanjoll dhe në një intervistë të dhënë për “Super Deporte”, gazetë shumë afër klubit të Valencia-s, ka zbuluar një detaj shumë të rëndësishëm të kontratës së nënshkruar nga Zaza.
Në fakt, në marrëveshjen e nënshkruar me klubin spanjoll duket se është përfshirë edhe një klauzolë me vlerë 100 milionë euro. Kjo është shuma që duhet të paguajnë ata që do të duan ta largojnë atë nga “Mestalla”.
