Edhe në ‘shtëpinë’ e Lazios ka festë për Krishtlindjet. Klubi bardhekaltër ka organizuar një festë madhështore mbrëmjen e djeshme, ku kanë marrë pjesë të gjithë futbollistët dhe familjarët e tyre, por edhe të gjithë bashkëpunëtorët e skuadrës.Nuk ka munguar as emblema laciale, shqiponja, që ishte e njëjta që fluturoi edhe në qiellin shqiptar, në ‘Qemal Stafa”, para ndeshjes Shqipëri-Zvicër, në tetorin e 2013-ës.
Ra në sy prezenca e Immobiles, me bashkëshorten e tij modele, që edhe këtë herë tërhoqi vëmendjen e fotografëve. Portieri shqiptar i bardhekaltërve, Thomas Strakosha kishte shkuar i vetëm në këtë festë, ndërsa u shfaq mjaft i lumtur dhe i qeshur në shoqërinë e shokëve të ekipit.