16 fitore me radhë, Manchester City vazhdon ta thellojë rekordin historik në Premierligë.
Të besuarit e Pep Guardiolas nuk e kanë ndërmend të ndalen këtë edicion.
Në xhiron e 18’të në Premierligë, Manchester City ka marrë një tjetër fitore, duke e mposhtur 4:1 Tottenhamin.
Kjo ishte fitorja e 16 me radhë duke thelluar rekordin historik, që ka lënë prapa Arsenalin e Chelsean me nga 14 fitore me radhë.
Ilkay Guendogan (14’), Kevin de Bruyne (70’) dhe Raheem Sterling (80’ e 90’) shënuan për Cityn, kurse golin e nderit për mysafirët e shënoi, Christian Eriksen (90 +4).
City tani shkon në kuotën e 52 pikëve, 14 më shumë se Manchester United, që të dielën luan në udhëtim me WBA-në.
http://www.dailymotion.com/video/x6bsbtq