Këtë vit Cristiano Ronaldo fitoi për herë të pestë “Topin e Artë”, teksa u shpall edhe “FIFA World Player”.
Ylli portugez i Realit të Madridit barazoi Messin në listën e futbollistëve që e kanë fituar më shumë “Topin e Artë”, ndërsa në renditjen e 2017-ës la pas pikërisht argjentinasin dhe brazilianin Neymar.
Portugezi arriti të fitojë edhe çmimin “FIFA World Player”, që jepet për futbollistin më të mirë të sezonit 2016-2017.
Triumfi në Champions me Realin e Madridit dhe golat e shumtë të shënuar në këtë kompeticion, ishin vendimtarë në votimin e Cristiano Ronaldos.
Ndërsa “Këpuca e Artë” shkoi për Lionel Messin. Ylli argjentinas u shpall golashënuesi më i mirë për sezonin 2016-2017 në kampionatet europiane, duke fituar çmimin e “Këpucës së Artë” për të 4-tën herë në karrierë.
Me 37 finalizimiet e tij, argjentinasi barazoi rekordin e Cristiano Ronaldos, që gjithashtu e ka fituar 4 herë këtë trofe individual.
Pas dy futbollistëve më të mirë të kampionatit spanjoll, nga dy herë e kanë fituar “Këpucën e Artë” emra të tillë si Muller, Eusebio, Georgescu, Fernando Gomes, McCoist, Jardel, Henry, Forlán dhe Luis Suárez.
