Mesfushori vlonjat Ledian Memushaj është në qendër të vëmendjes në merkaton e dimrit. Edhe pse performanca e tij nuk ka qënë më e mira e mundshme, kërkesat e mbëritura në adresë të Memushjat janë të shumta.
Sipas mediave italiane, numrit të gjatë të skuadrave që interesohen për futbollistin e Kombëtares shqiptare i shtohet edhe ai i Barit, ku aktivizohet një mesfushori Migjen Basha.
Bari synon këtë sezon të ngjitet në elitën e futbollit italian, ndaj mendon të bashkojë në skuadër dy shqiptarët, të cilët e njohin mjafti mirë lojën e njëri-tjetrit.
Gjithsesi për të siguruar shërbimet e tij, konkurenca është e lartë, pasi për vlonjatin, përveç Flamurtarit, interesohen edhe klubet e Parmës, Chievos dhe Ascolit.
