Qendërmbrojtësi i Chelseat, braziliani David Luiz, duket se po mendon largimin nga londinezët. Ai nuk është aspak i kënaqur me aktivizimet e pakta që i ka mundësuar trajneri Conte dhe madje ka bërë edhe një ballafaqim me këtë të fundit.
Sipas mediave angleze, David Luiz i ka kërkuar Contes ta aktivizojë si titullar fiks, ose në të kundërt do të largohet drejt një skuadre tjetër në merkaton e janarit.
Kontrata e qendërmbrojtësit brazilian me londinezët skadon në qershor të 2019-ës, por duke parë situatën e krijuar me të, vështirë se ajo do të respektohet.
David Luiz kërkon sa më shumë minuta për të shkuar në formë në Botërorin “Rusi 2018” me Kombëtaren e Brazilit.
