Ronaldo është shprehur i lumtur pasi fitoi çmimin si më i miri në botë për vitin 2017 nga “Globe Soccer Awards” në Dubai.
Viti 2017 rezervoi një fund fantastik për Cristiano Ronaldon që u nderua edhe si lojtari më i mirë i vitit që po lëmë pas në ceremoninë e “Globe Soccer Awards” në Dubai, pak kohë pasi fitoi The Best nga FIFA dhe Topin e Artë nga France Footbal.
Në garë për më të mirin ishin edhe Sergio Ramos (Real Madrid), Leo Messi (FC Barcelona), Gianluigi Buffon dhe Paulo Dybala (Juventus) e Neymar Jr. dhe Kylian Mbappé (Paris Saint-Germain).
“Faleminderit, jam shumë i lumtur. Dua t’i falënderoj bashkëlojtarët për këtë çmim, pa ta nuk do të ishte asgjë e mundur”, tha Ronaldo pasi e pranoi çmimin në Madrid nga legjenda e Italisë dhe Juventusit, Alessandro Del Piero.
Ky është çmimi i katërt që e fiton Ronaldo, pasi e ka fituar edhe më 2011, 2014 dhe 2016.
