Arsenal po përgatitet edhe një herë për të marrë Riyad Mahrez nga Leicester City. “Topçinjtë” dështuan në blerjen e sulmuesit algjerian gjatë verës së kaluar, sepse Leicester kërkoi 50 milionë euro dhe londinezët e konsideruan shumë të lartë këtë çmim.
Sipas asaj që shkruan gazeta afrikane “Le Buteur”, Wenger mbetet një admirues i Mahrez dhe do të përgatisë një tjetër ofertë gjatë merkatos së janarit. Mahrez është rikthyer në formën e tij më të mirë, që pas mbërritjes në trajnerit Claude Puel në “King Power Stadium”.
Mahrez ka shënuar gjashtë gola dhe ka dhënë gjashtë asiste në këtë sezon. Ai e ka gjetur rrugën e rrjetës katër herë në tetë ndeshjet e fundit. Wenger kërkon ta marrë futbollistin, që u shpall më i miri në Premier League para dy sezonesh, për të zëvendësuar Alexis Sanchez.
Sulmuesi nga Kili do të largohet në qershor me parametër zero, sepse i përfundon kontrata në “Emirates Stadium”. Manchester City dhe Paris Saint-Germain janë klubet që kanë pasur kontakte me Sanchez, por nuk duhet përjashtuar nga gara edhe Bayern Munich…