Gianluigi Donnarumma e ka thyer heshtjen pasi u ofendua nga tifozët e Milanit në ndeshje ndaj Hellas Veronas.
Talenti italian ka thënë se nuk i kishte pritur ato fyerje nga tifozët, transmeton Express.
Portieri 18-vjeçar shpërtheu në lot pas thirrjeve dhe një baneri kundër tij në ndeshjen e mbrëmshme në kuadër të Kupës së Italisë mes Milanit dhe Hellas Veronas në “San Siro”.
“Ishte një natë e shëmtuar që nuk e prisja”, ka shkruar Donnarumma në Instagrm.
“Kurrë nuk kam thënë, as shkruar, se po përjetoja dhunë morale kur e nënshkrova kontratën. Përkundër gjithë kësaj, shikoj me mendje para tek ndeshja e radhës… Forza Milan!”, ka shkruar ai.
