Futboll Seria A

Si u paraqit Serie A përgjatë 2017. Nga titulli i 6-të radhazi i Juventusit tek Napoli ‘Kampion Dimri’

Viti 2017 ka sjellë mjaft surpriza për Serie A, duke filluar nga titulli i 5-të kampion radhazi i Juventusit në Serie A sezonin e kaluar e deri tek shpallja e Napolit kampion dimri i këtij sezoni.

Juventus– Skuadra e Allegrit si sezonin e kaluar po ashtu edhe këtë vit i ka nisur mjaft zbehtë javët e para duke ‘shijuar’ edhe mesin e tabelës së klasifikimit. Gjatë kampionatit ka filluar edhe ngjitja në pozicionimin e tabelës dhe duke treguar ‘dhëmbët’ e vërtetë për kundërshtarët. Titulli i 6-të radhazi ishte një tjetër sukses i merituar i bardhezinjve, po ashtu edhe arritja në finale të Champions Leagues.

Milan– Kuqezinjtë sezonin e shkuar i’u falën shpenzimeve të ulëta të Presidentit Berlusconi, dhe duke u justifikuar për pozicionimin e ulët në tabelë edhe pse në fund skuadra e Montellas arriti të kapte një vend në Europa League. Kalimi i pronësisë tek ‘Kinezët’ rriti entuziazmin në kampin kuqezi. Drejtues të rinj, blerje të reja, epokë e re! Ishin këto mendimet e para të çdo tifozi kuqezi në verën e këtij viti, duke rritur në maksimum pritshmëritë për sezonin e ri 2017-2018. E gjitha rezultoi një fluskë sapuni, e cila entuziazmin e shndërroi në irritimin e tifozëve që çoi në shkarkimin e trajnerit Montella dhe emërimin e Gattusos.

Inter– Zikaltërit si çdo vit ka një luhatje të madhe të performancës duke u lidhur me vijimësinë sezonale. Skuadra e Spalletit e nisi mjaft mirë këtë sezon duke arritur në majat e tabelës por në 3 ndeshjet e fundit ka 2 humbje dhe 1 barazim. Kjo ka bërë që shumë prej atyre që i thurnin elozhe tashmë e shohin situatën me një sy kritik, duke i vënë gishtin lojtarëve dhe jo trajnerëve sic ka ndodhur deri më sot.

Napoli– Napoletanët në 2017-ën ka qenë ekipi surprizë i Europës. Një organizim dhe performancë e shkëlqyer nga djemtë e Sarrit ka bërë që e gjithë Europa të çmendet pas tyre. Padyshim arritja më e madhe deri më tani mbetet shpallja ‘Kampion Dimri’, duke lënë kështu pas ekipe si Juventusi.

Roma– Skuadra kryeqytetase ka vijuar të ndjekë filozofinë e Napolit, duke u bazuar tek organika që ka në skuadër por me disa ndryshime të vogla në aspektin teknik. Fokusimi i verdhekuqve ka qenë tek afrimi i talenteve të cilët do të mund të promovoheshin në futbollin elitar Italian. Roma ka munduar të marrë pjesë në grupet e Champions League dhe kjo mund të quhet si një arritje jo e vogël për skuadrën e Di Francescos.

Serie A– Padyshim arritja më e madhe këtë vit do të mbetet përfaqësimi me katër vende në Champions League për sezonin 2018-2019. /AlpeNews.al/

Related posts

E MBANI MEND GJYQTARIN E SFIDËS SHQIPËRI IZRAEL? Ja çfarë ka ndodhur me të

F.autor

E BUJSHME NGA ITALIA/ Jo vetëm Antonio Conte, Inter-it i largohet dhe drejtuesi i lartë

Delo.autor

Trajneri i ri i Italisë konfirmohet në maj

Sadik.Autor

Leave a Comment