Është i njohur në mbarë Botën e futbollit dhe jo vetëm rasti i “Calciopolit” në Itali në vitin 2006, ku Juventus u akuzua për manipulim ndeshjesh dhe u rrëzua një kategori më poshtë duke iu hequr edhe titulli i fituar në atë sezon.
Por një rast i tillë duket se po përsëritet në Portugali dhe më konkretisht me ekipin e Benficës.
Policia dhe Prokuroria tashmë kanë hapur një hetim zyrtar mbi kampionatin e sezonit 2015-2016 ku “shqiponjat” e Lisbonës u shpallën kampionë.
Sipas dyshimeve ai kampionat rezulton i manipuluar dhe rezultatet kanë qenë të paracaktuara. Në këtë mënyrë “pastërtia” dhe “fair-play” i atij kampionati do vërtetohet.
Nëse hetimet flasin kundër rekordmenëve të Portugalisë, ata do dënohen dhe me shumë mundësi mund të rrëzohen nga kategoria.
