Trajneri i Inter, Luciano Spalletti e ka pranuar se skuadra e tij ka humbur vetëbesimin, pas humbjes 1:0 nga Milani në Coppa Italia.
Kjo ishte humbja e tretë më radhë për Interin, që po kalon fazën më të vështirë këtë sezon.
“Ne kemi humbur pak vetëbesimin. Ne bëjmë gjëra me më pak besim se sa kualiteti që kemi”, tha Spalletti për Rai Sport.
“Besoj se kjo skuadër ka aftësi të mposht çdo skuadër, por duhet ta kuptojë që është e aftë ta bëjë dhe ta përdorë atë aftësi çdo herë”.