Barazim spektakolar mes Twentes dhe Ajaxit të Amsterdamit në javën e 15-të të Eredivisies. 3-3 përfundoi përballja e luajtur në “De Grolsch Veste”, ku “harkëtarët” kaluan në avantazh të dyfishtë që në pjesën e parë, por pa mundur të merrnin maksimumin e pikëve, duke i dhënë mundësi PSV Eindhovenit, që luan me Spartën e Rotterdamit, të krijojë një shkëputje më të ndjeshme në krye. Schone realizoi dy herë për Ajaxin brenda katër minutave lojë në fund të pjesë së parë (33’ dhe 34’), por Twente i kundërpërgjigj me Thesker, që gjithashtu realizoi dygolësh në minutat 48 dhe 63.
Kluivert J i dha sërish avantazhit Ajaxit në të 79-ën, por 1 minut para përfundimit të kohës së rregullt Boere shënoi golin e fundit të kësaj sfide spektakolare që u mbyll 3-3. Në takimin tjetër të së shtunës, Den Haag u mposht 0-3 nga Groningen.
