Kush ishte fajtori, pse Barcelona fitoi 0:3 në Santiago Bernabeu vetëm pak muaj pasi e mposhti dy herë, 3:1 në Camp Nou dhe 2:0 në shtëpi? Janë duke u bërë pyetje nga më të ndryshmet në mediat spanjolle për disfatën e ekipit të Zidane.
Mediat në Spanjë po mundohen të gjejnë fajtorët kryesor për humbjen e Realit nga Barca që e lë tani 14 pikë prapa në renditje, teksa ishte mundësi e artë që me një fitore në El Clasico dhe me një triumf në ndeshjen e mbetur, të shkonte diferenca vetëm në pesë pikë.
Zinedine Zidane e pranoi haptazi se ndeshja do të kishte marrë kahje tjetër nëse nuk do të pranonin atë gol në fillim të pjesës së dytë, që e duan gabim të djelmoshave të tij.
Por, kush gaboi më shumë? Kovacic është afër Rakiticit në momentin kur nise kundërsulmi i shpejtë, por ish asi i Interit nuk e ndjekë bashkëkombësin për faktin se urdhëri për të ishte që t’i qëndrojë afër Messit.
Po kush mbetet fajtori te goli i parë pasi Kovacic mund të justifikohet me ruajtjen e Messit Duket se faji bie mbi Marcelon dhe më së miri e tregon video më poshtë kur braziliani gabon në pozicionim e që në fund i kushton shumë Realit. Ai e harron krejtësisht Sergio Roberton.
Zidane transferoi për 26 milionë euro zëvendësuesin e Marcelos, Theo Hernandez, por në pjesën e parë të sezonit, hezitonte ta inkuadrojë edhe në ndeshje më të vogla, pavarësisht se Marcelo po vuan këtë sezon dhe ka probleme fizike megjithëse nuk e pranon.
