Sulmuesi i Kombëtares së Kosovës, Besart Berisha, e ka zgjatur kontratën për edhe një vit me skuadrën e tij nga Australia, Melbourne Victory.
Marrëveshja e re do ta mbajë golashënuesin më të mirë të të gjitha kohërave të Ligës A të Australisë në Vicotry deri në fund të sezonit 2018/19, ka njoftuar klubi australian në ueb-sajtin e vet zyrtare, transmeton Express.
Berisha ka theksuar se mjedisi në klub ka qenë arsyeja e madhe pas vendimit të tij për ta zgjatur kontratën.
“Besimi që kam në Kevinin, trajnerët dhe skuadrën, ishin arsyeja e madhe pse vendosa të nënshkruaj zgjatjen e kontratës”, ka thënë Berisha.
Pasi e fitoi Ligën A dy herë me Brisbane Roar, Berisha iu bashkua Melbourne Victorys në vitin 2014, duke e fituar kampionatin dhe FFA Cup në vitin 2015.
