“Buffon dëshiron të vazhdojë karrierën? Ndërkohë do të jetë titullar në Bergamo, kundër Atalantës, për Kupën e Italisë. Reflektimet që po bën janë normale, është riaftësuar, por për momentin prioriteti i tij është të rikthehet titullar dhe të qëndrojë i tillë deri në fund të sezonit.” Në këtë mënyrë, Max Allegri ka folur për Buffon, që ka zyrtarizuar dëshirën e tij për të vazhduar karrierën përtej fundit të këtij kampionati, gjatë një konference për shtyp para ndeshjes kundër Chievo.
Gjithsesi, këshilla e trajnerit të Juventus ndaj kapitenit është shumë e qartë: “Duhet të kuptojë se në jetë ka gjëra të tjera. Nuk është e lehtë të tërhiqesh nga futbollit, por kjo është jeta. Duhet të shohim përpara sepse është gjithmonë më e bukur të shohim përpara sesa prapa. Mund të bëhen edhe 40 vite të tjera në maksimum, duke u marrë me diçka tjetër. Fakti që Italia nuk do të marrë pjesë në Kupën e Botës e ka rigjeneruar. Tani po e pres me krahëhapur të jetë pjesë e rëndësishme e ekipit.”
“Marchisio do të rikthehet në dispozicion duke nisur nga e marta. Dybala do të jetë i gatshëm në fillim të shkurtit, ndërsa Cuadrado do të bëj një vizitë të specializuar në Gjermani për të kuptuar nëse do të operohet apo jo. Howedes po vazhdon punën për riaftësimin, ndërsa Matuidi është i gatshëm plotësisht edhe pse ka munguar në dy stërvitjet e fundit, – deklaroi Allegri. – Nëse nuk do të luajë Alex Sanchez, do të luajë Asamoah. Në të djathtë do të jetë ose De Sciglio ose Lichtstener, teksa po mendoj t’i jap një ndeshje pushim Chiellini. Në mesfushë do të ketë minuta për Sturaro.”
