Skuadra kineze e Dalian Yifang, pasi siguroi shërbimet e mesfushorit sllovak Marek Hamsik, kërkon që të sjellë në Azi edhe sulmuesin kroat të Juventusit, Mario Mandzukic. Për të bindur sulmuesin 33-vjeçar ekipi kinez i ka ofruar një rrogë prej 10 milionë eurosh në sezon, shumë e cila është refuzuar nga Mandzukic.
Sipas mediave italiane, sulmuesi kroat nuk ka pranuar të transferohet në Kinë, pasi synon të luajë sërish me bardhezinjtë edhe për 1 apo 2 sezone të tjera. Skuadra kineze besonte se me shumën prej 10 milionë eurosh do të bindte sulmuesin Mandzukic që të transferohej, por kroati nuk është joshur prej saj.
