Ernesto Valverde nuk e di nëse skuadra e tij do të transferojë yllin e Liverpoolit, Philippe Coutinho
Trajneri i Barcelonës, Ernesto valverde ka thënë se ai i do më shumë lojtarët që ka në skuadër se sa Phillipe Coutinhon.
Ai e pranoi se ka dëgjuar shumë thashetheme rreth brazilianit, por nuk e di nëse do të transferohet në Camp Nou.
“Coutinho? Nuk e di. Kam dëgjuar shumë, por nuk e di nëse janë të vërteta”, tha fillimisht Valverde gjatë konferencës për media.
“Ai është lojtar i një skuadre tjetër. Ai është lojtar i mirë dhe ne nuk e dimë se çfarë do të ndodh. Më pëlqejnë më shumë lojtarët që kam në skuadër. Do të shini nëse do të vjen”.
Coutinho ka munguar në ndeshjen e fundit të Liverpoolit me pretekstin se është i lënduar, por thuhet se lojtari nuk dëshiron më të luajë për skuadrën angleze, pasi shpreson të transferohet në Barcelonë.