Lojtari, shumë i talentuar, është i aftë të luajë në disa pozicione dhe karakterizohet nga një këmbë shumë e fortë: karakteristika që ngjasojnë me ato të Jesús Susos. Në rast të largimit të numrit 8 aktual tek kuqezinjtë, mund të jetë pikërisht Samu Castillejo elementi i duhur për Gennaro Gattuso.
Ai ka shpërthyer këtë vit tek Villarreal, ku shënoi 6 gola dhe dhuroi 7 asist në edicionin e fundit në La Liga. Emri i tij mund të jetë gjithashtu pjesë e operacionit që do të përfshinte Carlos Bacca, sulmuesin 32-vjeçar kolumbian, të cilin Nëndetsja e Verdhë do të dëshironte ta blinte, por pa shpenzuar 15.5 milionë eurot e parashikuara nga marrëveshja me Milanin. Megjithatë, ky nuk është emri i vetëm në listën e Massimiliano Mirabellit.
