Kapiteni i Kombëtares nuk di të ndalet. Ai e ka nisur këtë fillim viti përsëri në fushën e stërvitjes, teksa kërkon që të mbajë veten në formë për pjesën e mbetur të sezonit. Në një intervistë për “Tv Klan”, ai shprehet se Shqipëria ka mundësi për t’u kualifikuar sërish në Europian.
“Eliminatoret e fundit ishin të vështira, pasi kishim në grup dy skuadra mjaft të forta, por me pak fat në short dhe me një vendosmëri më të madhe çdo gjë është e mundur për ekipin shqiptar.”
Përsa i përket aventurës së tij në Azerbaixhan, me ekipin e Karabagut, Agolli shprehet: “Fitimi i kampionatit, por gjithashtu edhe pjesëmarrja në turet eliminatore, pse jo të tentojmë kualifikimin në grupet e Ligës së Kampioneve.”
