Kampioni në fuqi i Gjermanisë, Bayern Munich duket se e ka fituar betejën për Leon Goretzkan.
Mesfushori gjerman është bërë ndër më të kërkuarit në Evropë pasi për të kanë shfaqur interesim shumë skuadra të mëdha.
Juventus dhe Milan e duan në Itali, ndërsa lojtari pëlqehet nga Liverpool, Chelsea, Arsenal dhe Manchester City në Angli.
Por duket se Bayerni nuk e ka ndërmend ta lë të largohet nga vendlindja e tij Goretzkan.
Sipas medieve gjermane, bavarezët tanimë kanë arritur marrëveshje personale me lojtarin.
Por transferimi i tij në Munich do të ndodhë në verë si futbollist i lirë.
Bayerni ka mposhtur konkurrencën me rivalët tjerë për transferimin e talentit gjerman.
22-vjeçari ka shënuar katër gola në 11 ndeshjet e para këtë edicion në Bundesliga me fanellën e Schalkes.
Ai iu bashkua klubit gjerman pesë vite më parë nga Bochumi.
