Shumë shpejt duket se nuk do të ketë më një tredhëmbësh Benzema-Bale-Cristiano Ronaldo.
Rezultatet negative të fundit dhe problemet e vazhdueshme që nuk po marrin zgjidhje kanë bërë që presidenti i klubit Florentino Perez të mendojë për një zgjidhje të re.
Sigurisht që qëllimi i numrit 1 të klubit është që t’i mbajë “galaktikët” në qiell, e për këtë duhen yje.
Dhe Perez ka nisur nga puna që ëndrrën të kthejë në realitet.
Si fillim duket se Cristiano Ronaldo do të largohet në verë. Portugezi i mërzitur se presidenti nuk ia plotësoi kërkesat ekonomike po mendon që të rikthehet në Angli te Manchester United.
“Djajtë e kuq” janë gati që të shpenzojnë për ta pasur, e gjithashtu t’i japin rrogën që ai kërkon.
Por drejt largimit janë edhe Karim Benzema dhe Gareth Bale. Të dy kanë kohë që nuk janë në formën e tyre më të mirë dhe diçka e tillë në një ekip si Reali nuk mund të tolerohet.
I pari në listë për të ardhur te madrilenët është braziliani Neymar. Ndërkohë që tredhëmbëshi do të plotësohet me Eden Hazard-in dhe me Mauro Icardi-n.
Nëse lojtari i Chelsea-s dhe Inter-it nuk vjen, atëherë alternativat janë Robert Lewandowski dhe Harri Kane.
Një projekt fantastik, i cili me të tillë futbollistë sigurisht që do ta kthente Realin në një ekip të pamposhtur.
